O Marisquiño fai de Vigo a capital da Galicia máis urbana

A zona portuaria de Vigo, desde o peirao de Transatlánticos ata a praza da Estrela, volverá ser o epicentro das actividades do O Marisquiño, un evento multidisciplinar, convertido en referencia no seu ámbito tanto a nivel estatal como europeo e que celebra, desde mañá até o domingo, a súa 12ª edición. A programación de 2012 foi detallada onte no transcurso da presentación oficial do festival, que contou coa asistencia do director da Agadic, Juan Carlos F. Fasero e de Carlos Domínguez e Ramiro Tersse, responsables da organización de O’Marisquiño XII, así como representantes das empresas patrocinadoras.

Fasero fixo referencia ao mural creado ex profeso para o Museo do Mar de Galicia polo artista vigués Antony, un grafiti que será exhibido de forma permanente neste museo da Xunta de Galicia.