Verónica é de Palencia, e hai tres anos colleu a súa vella maleta vermella e marchou a estudar a Santiago. Como case todos os que non van a Madrid ou Barcelona, acabou en Compostela medio de casualidade e agora está encantada estudando psicoloxia e aproveitando ou poucos ratos de sol para pasear pola praza do Obradoiro. Cada vez que volve a casa da súa nai, presume das moitas palabras galegas que aprendeu na universidade: "Ya sé decir albariño, augardente, unha de orella!, queimada e cunca".

A súa nai, que naceu en Vimianzo e no seu momento tamén estudara en Santiago, mira para ela con cara de complicidade.

Pero esta semana a nena rematou os exames e foi pasar a casa unha longa fin de semana, chegou o mércores e como non estivera en Palencia dende o Nadal tiña moito que contar. "En estos dos meses aprendí a decir mexillón, polbo, viño da casa e sobrado". Sobrado? A nai pensaba que tipo de tapa ou viño sería iso cando Verónica apreciou a súa cara de sorpresa e clarificou: "Desván, mamá, un sobrado es un desván, que no te enteras".