Quero denunciar a situación que se está a dar dende hai uns meses na zona das avenidas de Bilbao e de Barcelona e na praza de Pascual Veiga: veciños do barrio ceivan os cans durante o día, cans que pasean sen amo e fan as súas necesidades en calquera lugar da rúa, diante dos portais, das zonas axardinadas e comúns sen control. Eses mesmos cans rompen as bolsas de lixo que veciños con pouca consideración non meten no contedor correspondente, co resultado de cueiros de neno exparcidos polo chan, mondas de laranxas e lixo en xeral.

Estamos fartos de ter que volver cos nenos manchados para casa, de limpar os zapatos e de ter que ver as nosas rúas feitas un asco por culpa de veciños porcos e pouco solidarios que deixan a bolsa do lixo ou os cartóns ó lado dos contedores, e cans sen dono facendo o que lles da a gana sen que ninguén o recolla.