Respecto todas as opinións anónimas xeradas na web deste xornal polo meu artigo sobre a docencia compartida de Medicina. Pero non podo calar ante as maledicencias que di a Ludovico; ademáis semella ser o portavoz dalgún candidato. Nunca formei parte de ningún bipartito, tripartito nin de ningún equipo reitoral. Nin caciquei como di vostede. Son independente ata a medula. Non é certo que non aparecera en ningún claustro; de feito fun a case todos. E por suposto nunca calei ante nada nin ante ninguén. Non me vote, pero non sexa demagogo.

CS101: non me quero cargar Campus Vida, pero creo que debe revisarse ese proxecto igual que moitas outras cousas; será o próximo equipo de goberno, sexa quen sexa, quen terá que facelo.

AFRODITA: non entende a ironía do meu artigo; non me creo posuidor de ningunha verdade e, por certo, confunde firmeza con farol.

LAOTRA: nunca dixen que as outras universidades fosen mellores que a USC nin penso en buscar prazas para contratar amigos (cómo chega vostede a esas conclusións?).