En pleno ascenso

Os No Reply al completo, sete músicos e un batería ao servicio da festa pero sempre da mán do Jazz

No mundo da música se hai algo que sobra son os tópicos. De cando en vez, aparece un grupo ou artista que arremete contra algunha destas construcións mentais alicerzadas no costume da repetición sen reflexión.

Este e o caso dos No Reply, que a golpe de sons de big band combinados cunha sólida base rítmica, derruban o mito de que o Swing e un xénero vinculado á hermeticidade do Jazz, ou ben algo anacrónico e reservado maioritariamente a aqueles que o gozaron no seu tempo, hai xa un bo par de décadas.

Este grupo madrileño, incubado na escola de música moderna da cidade, e composto por músicos que andan polos vinte e poucos, leva catro anos tocando maoiritariamente en Madrid e en Galicia, e tras seren `descubertos´ pola multinacional Universal, acaba de lanzar o seu primeiro traballo discográfico chamado Drunkology.

Nun pequeno intervalo dunhas houras entre actuacións e exames, Fernando Alonso, trombonista do grupo, púxonos ao tanto das novas do grupo.

Sobre o proceso que terminou co contrato coa multinacional, Alonso explícanos que "todo comezou cando nos presentarnos coma os gañadores do Día de Madrid no Universimad. Nese concerto estaban presentes algúns responsables do selo, cos que por outra banda xa falaramos algo, e tras o directo veu a proposta de lanzar o disco con eles." Aínda que o estilo do disco é principalmente Swing, o mozo madrileño aclara que "se ben predomina o swing, hai cousas doutros estilos, igual que pasa cos nosos directos, o resultado final é unha mestura de jazz, latin, swing, e ska."

Co disco xa nas rúas, o instrumentista asegura que "a aceptación está a ser moi boa", e que a idea de agora é más "a de traballar pouco a pouco, na procura dun público "de directo".

Por outra banda, o grupo acaba de gravar un videoclip do tema Bad Joke que segundo o músico estaría a soar nos 40 TV.

Sobre as primeiras presentacións tras a saída do disco, Fernando dixo que nas actuacións na Fnac da Cañada lograron "encher o auditorio todos os días", e incluso chegaron a ser o segundo disco máis vendido desa semana "por enriba de El canto del loco" segundo nos di, con irónica alegría. A próxima semana, o grupo volve a Galicia para presentar Drunkology na Fnac da Coruña, co visto e prace das meigas, actuando o luns 23 e martes 24 para regresar a terras galegas no mes de xullo para o Festichán, celebrado en Moaña.