O dúo estadounidense Cocorosie presentará o seu novo disco 'Grey Oceans' o vindeiro 1 de xuño en ExpoCoruña

Finalmente será o 1 de xuño, ás 20 horas, cando aterren en ExpoCoruña as moi singulares e epatantes Cocorosie, unha das máis orixinais formacións do indie-rock internacional. As dúas irmás estadounidense presentarán o seu disco Grey Oceans, que se publicará en maio. As entradas de platea -de pé- custarán 15 euros en venda anticipada e 18 euros na billeteira. As de butaca -sentado- venderanse a 18 euros anticipadamente e a 21 € no despacho de billetes. As entradas chill-out, que permiten ver o espectáculo desde pantallas, sen acceso á sala, poñeranse á venda a 5 e a 8 euros .