A obra do arquitecto Manuel Gallego Jorreto, impulsor do Colexio Oficial de Arquitectos de Galicia e coñecido tamén polo seu compromiso activo en defensa da lingua galega, é obxecto de análise e homenaxe nas páxinas centrais do novo número da revista Galegos.
O caderno componse dunha entrevista, realizada polo xornalista Xosé Ramón Fandiño, na que o arquitecto repasa a súa traxectoria vital: desde a súa decisión de estudar Arquitectura ata a súa experiencia laboral no estudo madrileño de Alejandro de la Sota, quen o marcou de maneira decisiva, e a súa volta, en 1966, a Galicia, onde se atopou cun panorama arquitectónico que califica como "desolador".
Entre as súas obras máis salientables, están o Museo de Arte Sacra e o de Belas Artes da Coruña, as Casas da Cultura de Valdoviño e Chantada ou complexo presidencial de Monte Pío.O novo número de Galegos inclúe tamén unha exhaustiva entrevista a José Manuel Romay Beccaría, ex ministro de Sanidade e ex conselleiro da Xunta de Galicia, na que fala sobre súa experiencia política e os autores que máis influíron no seu pensamento e dá a súa opinión sobre algúns temas de actualidade.
RSS